UNGDÓMIN EIGA VIT GÓÐAN !

NÚ ERU TEY EISINI FARIN AT FYRISKIPA EGNAR KAPPINGAR

Fyri nøkrum árum síðani var samtykt at Føroya Ríðingarfelag í einari roynd at menna ungdómsarbeiði, skuldi hava eina ungdómsnevnd manna/kvinna, við ungdómi.

Hugsjónin er at tey ungu vita best hvat tey ungu vilja, og soleiðis man tað helst eisini vera. Fyri at hjálpa teimum ungu, velur nevndin í felagnum ein vaksnan "vegleiðara" til tey ungu. Ein sum kann royna at halda tey á kós og siga hvat ber til, og helst ikki óv ofta hvat ikki ber til.

Sum eitt ítøkiligt úrslit av hesum verður kapping fyriskipa í Reiðhøllini sunnudagin, hetta er kapping sum tey ungu eiga við húð og hár, tey hava sjálvi gjørt hugskot reglar og uppslag, tað skula tey eiga stórt rós fyri. Mær kunnugt vóru tær so sjálvstøðugar at vegleiðarin var ikki eftirspurdir, fyrr enn kappingin var lýst og kunngjørd

- Stuttligt við so virkisfýsnum ungdómi, ivist ikki í at hesar eiga eina framtíð í nevndini hjá felagnum.

Meira um kapping er at lesa her ella á fb her
https://www.facebook.com/Ungd%C3%B3msnevndin-hj%C3%A1-F%C3%B8roya-
r%C3%AD%C3%B0ingarfelag-819105538434456/

Kappríðing verður við Leynavatn, leygardagin 15. juni kl.15

So verður kappríðing aftur við Leynavatn.
Kappríðingin verður leygardagin 15. juni kl.15.00.
Kappast verður í hesum greinum: Skeið, trav, tvíspor ung og tvíspor vaksin.

Tilmelding er á tlf. 556306 og 292014

Freistin fyri tilmelding er mikukvøldið 12. juni kl.19.00

Djóradagar um tvær vikur

Fjallaneyt við kálvi

Vælumtókta tiltakið hjá Føroya Ríðingarfelag, Djóradagar verður í ár tann 1 og 2 juni

Hjá nógvum familjum er tað vorðin siður, at leggja sær leiðina út í havnardal tá Djóradagar eru. Tey hava har høvið at vitja djórini sum vanliga eru í dalinum, umframt nógv onnur forkunnug djór sum ikki eru at síggja vanliga.

 Eisini er hetta ein gyltur møguleiki at hitta vinir, og fólk ein vanliga ikki sær ofta. 

Føroya Ríðingarfelag skipar eisini fyri kaffisølu og vera sum vant hoppiborgir o.a. til børnini. Teymaríðing ella ponyríðing sum tað eisini verður kallað er nakað sum er ovarliga á "to do" listanum hjá teimum flestu. Felagið hevur eina risa ríðihøll har nógv av tiltøkunum eru inni í, hetta er onkuntíð hent um okkurt ælið er.

Djóradagar er eitt familjutiltak burturav og er stuttligt at síggja somu snýðini ár aftaná ár. Tey vaksnu sum fyrstu árini komu við sínum børnum, koma nú við ommu og abbabørnum, umframt at nýggj andlit leggjast afturat á hvørjum árið. Hetta er greitt tekin um, at tá felagið byrjaði hetta tiltak á sinni, hava tey rakt ein tørv sum ikki hevur verið nøktaður áðrenn.

Høllin stongd

Av tí at Súsanna Sand er í Føroyum og hevur ríðiskeið, er høllin stongd nakrar tímar um dagin, teir næstu dagarnar.

Mánadagin 13-05: Kl.17.00-23.00
Týsdagin 14-05: Kl. 15.00-22.30
Mikudagin 15-05: Kl. 15.00-22.30

Nevndin

Skeið í høllini

Av tí, at skeið er í høllini týsdagin 16-04 og mikudagin 17-04, er høllin stongd hesi tíðspunkt, teir dagarnar:

Týsdagin     16-04: Kl.09.00-18.00
Mikudagin  17-04: Kl.09.00-20.00

Nevndin

Vognar flytast

Tit, sum eiga vognarnir, sum standa frammanfyri høllina og Dixie, kunnu tit flyta vognarnir, í seinasta lagi í kvøld - mánakvøldið 08-04-2019 - kl.20.00.
Annars verða teir fluttir av øðrum.
Takk fyri.

Saðilin - Hesaferð Búi Holm

Navn:

Búi Holm

Bústaður:

Dávabreyt 12,

Betur seint enn ongantíð. Nú saðlaði eg av nakað leingi  og løtan og túrurin inn í

rossaheimin gjørdist nakað long. Haldi mær til góðar.

Fyrsta ross. Nær fekk tú tað? Hvat slag var tað?