25. december 2014

Felagstúrur 2 dag

Sum siður er skipar felagið fyri felagstúri 2 dag, vegna tað at húsið er upptikið hendan dagin byrjar túrurin frá Reiðhøllini kl 11. Altso ikki undir Kleynisvarða sum vanligt er, men frá høllini. Tá vit koma aftur frá túri, verður borðreitt við ræstari súpan inni í Reiðhøllini !

Takk fyri gott arbeiði ítróttini at frama Hjalmar



Sjálva Jólaaftansmorgun vóru umboð fyri Ríðisamband Føroya og Føroya Ríðingarfelag á gátt hjá Hjalmari Petersen og konuni Majbritt,  í stásiligu

24. december 2014

Gleðilig Jól


21. november 2014

Rennikapping og høllin partvíst stongd hetta vikuskiftð !


Tað verður rennikapping í Flatnahaga og úti í Havnardali í morgin frá kl 13. Tey koma at renna primert á gøtunum vit nýta til ríðing, so neyðugt er at vísa varsemi um ein ætlar sær túr í morgin !
Í Reiðhøllini verður skeið, so høllin er stongd millum 10 og 17 leygar og sunnudag.

19. november 2014

Samtykt um skeiðvirksemi o.a. í Reiðhøllini


Seinasta vikuskiftið var ríðiskeið í Reiðhøllini og komandi vikuskiftið verður aftur skeiðvirkseimi í høllini. 
Nevndin í Føroya Ríðingarfelag heur annars eina samtykt, ið sigur

9. oktober 2014

Ríðisambandið nýggjan formann


Á aðalfundi í ríðisambandinum herfyri, boðaði formaðurin Hjalmar Petersen frá, at hann ikki tók við afturvalið.
Tí skuldi nýggjur formaður veljast og Ríðisambandið hevur nú skipað seg við Brandi í Dali sum nýggjum formanni.
Brandur í Dali umboðar Føroya Ríðingarfelag í Ríðisambandinum og  formaðurin er samstundis stjórnarlimur í ÍSF.

Ríðisambandið er sersamband undir ÍSF, og endamálið er at fremja ríðing sum ítrótt.

Nýggja nevndin í Ríðisambandinum sær soleiðis út:
Formaður, Brandur í Dali - Føroya Ríðingarfelag
Næstformaður, Zacharias R. Jacobsen - Vága Ríðingarfelag
Nevndarlimur, David Nordendal - Føroyskt Íslandsrossafelag

8. oktober 2014

Ríðiskeið á skrá í Reiðhøllini


Ríðiskeið á skrá í Reiðhøllini, Óluva á Lofti skipar fyri !
Skeiði verður 15-16 nov og verður eitt sindur annaðleiðis enn vit eru von við.


7. oktober 2014

4. oktober 2014

7. september 2014

Jonita og Flykra vunnu FM


Árliga heystkappríðingin hjá Føroya Ríðingarfelag var leygardagin. Hendan kappingin er seinasta kappríðingin á árinum og samstundis dagurin har seinastu FM vinnaranir vera funnir. 

Í ár var serliga spenningur í Tvíspor ung, har Brá við Ragnheiður Ólafsdóttir á baki undan leygardegnum var á odda við minst møguligum muni, frammanfyri Sinu og Pegasus.
Hesi trý dystaðust eisini hvør móti øðrum leygardagin. Brá vann tó greitt og lat ongan iva vera um, at hon hevði uppinborið FM heitið, Brá og Ragnheiður fingu eisini bestu tíð av øllum á breytini hendan dagin.

Tvíspor fyrsta flokk vann Vør við Fríðbjarta Reinert á baki, hetta var tó akkurát ikki nóg gott til at vinna FM. Føroyameistaraheitið fór hesuferð vestur í Vágoynna, tað gjørdist ryssan Flykra við ungu Jonitu á Plógv á baki í vunnu FM.
Hini ið vunnu FM vóru í Skeið Gylling við Regin Johannesen og Trav Máni við Knút Lútzen á baki. Hesi vunnu eisini á Heystkappríðingini.

Øll úrslit frá kappingini kunna síggjast á hesari leinkju:

30. august 2014

Nógv ross við á Heystkappríðingini

Tað er sera stór framgongd í kappríðingini í ár. Tað eru ikki færri enn 39 luttakarar nú dystast verður uppi í Marknagili kl 15 í dag.
Hetta er helst størsta luttakaratalið í hesari øldini og er tað sjálvsagt nakað sum fyrireikaranir úr Føroya Ríðingarfelag fegnast um. Felagið hevur í einari roynd at økja um áhugan fyri ítróttini tikið nýggjar ríðigreinar við, og hevur hetta givið góð úrslit, fyri nøkrum árum síðani var byrjað við greinini Skeið og í ár er so eisini greinin Tølt við.

Spenningur er eisini í nøkrum greinum, í Tvíspor ung eru heili trý ross ið hava møguleika at vinna FM.
Brá er á odda, men Sina og Pegasus eru beint í hølini á henni og hava tey øll møguleika at vinna FM
Hjá teimum vaksnu er Flykra á odda við 20 stigum og Vør er tann sum er nærmast henni við 16 stigum.
Kappast verður í hesum greinum. Tølt, Skeið, Trav, Tvíspor ung og Tvíspor vaksin.



28. august 2014

Paringin til Heystkappríðingina

Trýst á her fyri at síggja paringina til heystkappríðingina !

21. august 2014

Heystkappríðing 2014


17. august 2014

Ragnheiður og Brá skjótast á flúgvarabedingini

Ragnheiður Ólafsdóttir á ryssuni Brá hjá Grækaris Joensen


Kappríðing var á flúgvarabedingini í Vágum í gjár, tað sum eyðkendi hesa kappingina var at tvær ungar damur gjørdu ein ordans vørr. Tvíspor l flokkur bleiv vunnin av einans 16 ára gomlu Gunn Herolvsdóttir Persson á hestinum Stjarna, meðan skjótasta ross var Brá riðið av Ragnheiður Ólafsdóttir. Ragnheiður og Brá vunnu tvíspor ung. 
Hinar flokkarnar vunnu hesi, 
Tvíspor ll flokkur Laila Christiansen á Urd. 
Trav, Knút Lútzen á Mána, 
Skeið, Regin Johannesen á Gylling 
Tølt, Henge Davidsen á Teistu. 

16. august 2014

Heystkappríðing í Vágum 2014


Kappríðing hjá Vága Ríðingarfelag á Flúgvarabedingini í dag kl 15 !
Paringin sæst á leinkju niðanfyri.
p.s. Sum vant verður felagstúrur aftaná kappríðingina har vesturi 

http://kappingar.ross.fo/PublicResults.aspx?tID=26c19b93-34ce-4907-8b66-ab7611b79289

15. august 2014

Nýggjar karmar til frítíðarskúlan


Mynd: Unnie Justinussen, verkætlanarleiðari hjá Tórshavnar kommunu, Hans V. Lútzen, formaður í Føroya Ríðingarfelag og Ann Elisabeth Eldevig Joensen leiðari á frítíðarskúlanum í Hornabø.

Føroya Ríðingarfelag og Tórshavnar Kommuna, hava í dag undirskrivað nýggjan fýra ára sáttmála um nýggjar og betri karmar fyri frítíðarskúlan ið er á økinum hjá Føroya Ríðingarfelag úti í Havnardali.

Hesin sáttmáli ber í sær, at frítíðarskúlin komandi fýra árini, fær loyvi at seta upp fyribils hølir, sum vil geva teimum munandi betri karmar enn teir verandi. Hetta er galdandi fyri bæði starvsfólk og sjálvsagt eisini fyri børnini.

Frítíðarskúlin hevur higartil brúkt felagshúsini hjá Føroya Ríðingarfelag, men sum partur av nýggju avtaluni, fær felagið nú aftur, fullan ræðisrætt á húsinum um kvøldarnar og í vikuskiftinum.

Umboðini fyri kommuna og Føroya Ríðingarfelag siga seg gleðast um nýggju avtaluna, ið vónandi gevur báðum partunum stórar fyrimunir í mun til verandi avtalu.
 


30. juli 2014

Sjúrður stóri sigursharrin


Ólavsøkukappríðingin var sum siður er ólavsøkudag. Hesa ferð luttóku 25 ross og vóru heilt fitt av fólki og hugdi at kappríðingini. 

Tað hendi tað heilt serliga í ár, at tað var sami eigari, ið átti vinnararossini í Tvíspor l flokkur og Tvíspor ll flokkur. Tað vóru ross hjá Sjúrða Samuelsen í vunnu báðar flokkarnar. Hetta er helst fyrstu ferð at hetta er hent í longu søguni hjá kappríðing her á landi. 

Talan var um ryssuna Urd ið vann ll fllokk við Lailu Christiansen á baki og ryssuna Vør ið vann l 
flokk við Annfini Reinert á baki. Á myndini síggja vit frá vinstru Urd og Lailu, síðani Sjúrð og longst til høgru eru Vør og Annfinn.

Hinar flokkarnar vunnu hesi, Skeið, Regin Johannesen á Gylling. Trav Anna Maria Holm Nolsøe á Mána og Tvíspor ung Oskar í Haraldstovu á Markus.

Svenning silvurmerki hjá ÍSF


Tað var sannur hátíðarrómur á ríðibreytini í gjár. ÍSF hevði avgjørt at lata Svenning Reinert silvurmerkið hjá ÍSF, sjálvur ÍSF forsetin Petur Elias Petersen var komin at handa merkið. Hann segði nøkur orð har hann m.a.gav Svenning heiður fyri sítt langa tíðarskeið innan kappríðing.
Kappingin í dag var 65 ára hald hjá Svenningi í hesi ítrótt, hetta man uttan iva vera met í føroyskum ítróttarhøpi.
Svenning er fyrsti reiðmaður í Føroyum ið vinnur hendan heiður.


Felagið ynskir Svenningi hjartaliga til lukku við silvurmerkinum !

26. juli 2014

Kappríðing á ólavsøku í nærum 100 ár !




Fyrsta kappríðing í Føroyum var á ólavsøku í 1921. Soljóðandi lýsing var í Dimmalætting 20/7-1921. 
"Ætlanin er, um nóg nógvir melda seg, at fáa í lag eina kappríðing á ólavsøku. Teir ið hava hug at vera við, kunna venda sær til ein av okkum undirteknaðu seinast týsdagin 26. Juli. Edvard Samuelsen, Gustav A. Reinert, Kjartan Mohr."
16 mans vóru við og kappríðingin var uppi á Sundsvegnum, vinnarin hesa søguligu kappríðing var Edvard í Horni.

Kappast var í nøkur ár á Sundsvegnum, men í 1928 flutti menn kappingina út á Velbastaðvegin. Samstundis var teinurin øktir frá 300 mtr. ið vóru á Sundsvegnum til 500 mtr. Hetta er enn teinurin ið riðin verður á ólavsøku. Hesu fyrstu árini, datt okkurt ár burturímillum har eingin kapping var, men síðani 1936 hevur kappríðing verið á hvørjari ólavsøku. 

Sum sæst á myndini vóru heilt nógv fólk til kappríðing hesi árini, myndin er tikin í 1957 á Velbastaðvegnum. Tað er Vilhjálmur Patursson á hestinum Fúsa, ið eisini vann kappingina hetta árið.


Føroya Ríðingarfelag var stovnað í 1943 og var endamálið millum annað at fyriskipað hesar kappríðingar. Felagið gjørdi í 1970 stásiliga nýggja ríðibreyt uppi í Marknagili, nú skuldi ikki longur ríðast á alfaravegi men á breyt ið var gjørd til endamálið. Fyrsta ólavsøkukappríðingin í Marknagil var í 1971 og hevur hon verið har hvørt ár síðani tá. 

Ólavsøkuskrúðgongan byrjaði í 1941, tað vóru reiðfólk ið skipaðu fyri, og hetta árið gingu skotskir sekkjapípublásarar á odda. Skrúðgongan fór frá Vaglinum út á Velbastaðvegin har riðið var kapp. 
Seinni bleiv hetta afturvendani tiltak har øll ítróttarfólk luttaka og hetta fer nú fram ólavsøkuaftan tá ólavsøkan verður sett.    

Kappríðingin hjá Føroya Ríðingarfelag er ólavsøkudag kl. 14, og eru tað nógv sum hava tað sum fastan tátt, at fara niðan í Marknagil til hetta søguliga tiltak.

25. juli 2014

Áheitan til tey sum fara á skrúðgongu


ÁHEITAN TIL LIMIR OKKARA, IÐ LUTTAKA Í ÓLAVSØKUSKRÚÐGONGUNI  

Ólavsøkan er fyri framman, eftir veðrinum í dag at døma, kundi hon fyri tað væl verið byrjað...
Eingin ólavsøka uttan skrúðgongu, ólavsøkan er ikki rættiliga byrjað, fyrr enn tú hoyrir og sær ross á vaglinum. Tað er kanska heldur ikki so løgið, tað vóru rossafólk ið løgdu lunnar undir skrúðgonguni. Hetta hevur síðani vundið uppá seg, og er nú á døgum eitt tiltak ið savnar fleiri túsind fólk á vaglinum og eisini verður sent beinleiðis í kringvarpinum.
Tíðin er tó broytt nógv síðani okkara undangongumenn byrjaði skrúðgonguna. Tá var "havnin ein lítil bygd" sum ein sangari á Velbastað syngur. Havnin er voksin útum táverandi bøgarðanar, men enn eiga rossini heiðurspláss fremst og aftast í skrúðgonguni. Hetta fer vónanadi eisini at halda áfram á henda hátt í nógv ár !
Vit hava tó fingið eina áheitan frá býráðnum, um hvussu vit kunna avmarkað tað sum rossini lata liggja eftir sær niðri í býnum, og til og frá beiti.
Tað sum vit vilja heita á fólk, er um tey kunna lata rossini ið skula luttaka í skrúðgonguni, standa í fjósið ella einari girðing frá kvøldinum fyri, og harvið kanska heldur tømt tað grøna græsið har, heldur enn í havnargøtum !


Við vón um eina góða og gevandi ólavsøku.
Nevndin í Føroya Ríðingarfelag

Paringin til ólavsøku er nú tøk !



Trýst á link:
http://kappingar.ross.fo/PublicResults.aspx?tID=f1190d88-ba4a-4aae-b535-f017e0b842ef

22. juli 2014

Svenning Reinert riðið kapp í 65 ár



Kappríðingin á ólavsøku er sannur hátíðardagur hjá reiðfólkum. Men hjá einum reiðmanni er hendan løtan tó størri enn hjá teimum flestu. Hendan dagin fyri 65 árum síðani reið Svenning Reinert sína fyrstu kappríðing og hevur hann riðið kapp hvørt ár síðani. Svenning Reinert ið nú er vorðin 78 ára gamal, var fyrstu ferð við til kappríðing í 1949. Tá var riðið úti á gamla Velbastaðvegnum og málið var áraka á krossinum, har sum Landavegurin og Velbastaðvegurin møttust.

Hetta árið gjørdist Svenning nr. 2 í sínum flokki, hann reið á hestinum Ørvaodd sum farbróðurin Tummas átti. Árið eftir skuldi teir báðir aftur royna seg á ólavsøka, men tá bleiv Ørvaoddur ákoyrdir av einum lastbili sjálva ólavsøkuaftan. Hesturin kom livandi frá óhappinum, men kundi sjálvsagt ikki renna kapp dagin eftir. Svenning  gjørdi tó ikki mætari enn at lána ein hest frá Hera Jensen, hesturin var óskøddir, men skjótt var gjørt av, hann fekk skógvar undir og klárt var. Hesturin ið nevndist Sjeik rann so mikið væl, at hann bar Svenning á mál til eina fyrstu virðisløn. Hetta í einari minniligari kapping sum nógvar søgur eru fortaldar um seinni. 
Nú var so fyrsta, fyrsta virðislønin hjá Svenningi komin undir land, síðani tá eru tó nógvar komnar afturat í skjáttuna hjá stillføra manninum úr Norðadali.

Svenning sigur at tað eru bert tvær ólavsøkukappríðingar, ið eru dotnar burturímillum hjá honum øll hesu árini, tey árini hevur hann verið til skips. Men hann hann hevur tó luttikið í kappríðing á hvørjum árið.
Spurdir um hvussu ofta hann hevur verið á baki til kappríðing, sigur Svenning at tað man liggja um einar 200 kappingar. Hann sigur víðari, at sjálvt um kappríðing verður mettur sum ein harður ítróttur, hevur hann ongantíð verið í nakrari vandastøðu og vil hann viðmæla øllum ið hava møguleika til tess at royna hetta.
Vit spyrja sjálvandi eisini Svenning hvussu leingi hann ætlar at halda áfram at ríða kapp, Svenning er skjótur at svara, at hann veit at einaferð má hann leggja árarnar inn. Men enn tekur hann so eina kapping at gangin og at so leingi heilsan og hugurin er har, ætlar hann at halda áfram.

Ólavsøkuaftan í ár verður eisini serlig fyri Svenning Reinert, hann hevur fingið heiðurin at ríða fremst í ólavsøkuskrúðgonguni. Føroymeistarin í tvíspor árið fyri, hevur vanliga tann heiður at bera flaggið, men Zacharis R. Jakobsen hevur sjálvboðið latið flaggið til Svenning, hetta fyri at kunna hátíðarhalda hendan merkisdag við 65 árum í kappríðing.

Svenning fer til skrúðgonguna við sínari egnu ryssu, hon eitur Brynja, er 19 ár og gult blandingsross. Hetta er sama rossið sum Svenning fer at ríða kapp við ólavsøkudag.

20. juli 2014

Kappríðing á ólavsøku


23. juni 2014

Vinningar Djóradagar

Vinningar á atgongumerkum til Djóradagar var trekt í seinastu viku !
Tey hepnu vinnartølini vóru hesi:
Krov no:654 - Gás 324
Tey ið eiga hesi nummur kunna venda sær til tlf. 511618
Takk fyri øll tit í vitjaðu ella á annan hátt stðula tiltakinum 

19. juni 2014

15. juni 2014

Kappríðing við Leynavatn


Føroya Ríðingarfelag skipar komandi leygardag fyri árligu kappríðingini við Leynavatni. 
Kappríðingin á Leynavatni hevur verið fyriskipað av okkum, uttan steðg síðani byrjan í 1970. Fyrstu árini var hetta at sammeta við ólavsøku fyri reiðfólk og onnur. Sera nógv fólk vóru til kappingina og stóðu bilar langt oman móti Leynum, og langt oman í Kollfjarðadal.
Seinastu árini hevur ríðingin tó broytt mynstur og fólk eru ikki longur so gramm at melda seg til kappingar, hetta sjálvt um rossatalið í Føroyum ongantíð hevur verið hægri, minkar enn við huginum til kappingar, hetta er galdandi bæði hjá okkum og øðrum feløgum.
Vit í nevndini hava tó sjálvsagt avgjørt, at siðbundnu kappingarnar skulu halda áfram. Men vit hava brúk fyri hjálp og stuðul um tað framhaldandi skal vera stuttligt at skipa fyri og vera við til kappingar.
Tí heita vit á øll reiðfólk ið hava ross sum er før fyri at luttaka at koma við til kappingina á Leynavatni, bara við tykkara hjálp kann kappríðingin aftur gerast líka stuttlig sum fyrr !

21. maj 2014

Skrá fyri djóradagarnar 2014




Kostnaður at koma inn á økið er ókeypis fyri børn !!   
Vaksin kosta einans kr. 50,- (16 ár og upp)

At síggja djór, framsýningar o.a. er ókeypis. 

Hoppiborgir, ponyríðing o.a. kostar kr. 20,- pr ferð.


Djóradagar

Djóradagarnir verða aftur nú í vikuskiftinum 24 og 25 mai. Hetta árliga tiltakið er sera væl dámt og fólk koma langvegis frá til dagarnar.



Myndir frá djóradøgum í 2013

Skráin kemur seinni.



9. maj 2014

Ruddingardagur 10/05-14
 
So er aftur ruddingardagur á skránni ! Leygardagur 10/05 verður rudda og arbeitt á felagsøkinum í Havnardali.
Byrjað verður við kaffimunni og morgunmati í felagshúsinum kl 9:30 og síðani verður lagt til brots. Vónandi eru nógv sum vilja koma og taka eina hond við, tað er umráðandi fyri okkum øll at felagsøkið er so pent og nossligt sum gjørligt nú Djóradagar stunda til !

15. marts 2014

Dixie Cup 2014 !!!!


Dixie Cup 2014


Dixie Cup verður leygardagin 5/4 !

Leygardagin 5/4 verður Dixie Cup 2014. Byrja verður kl.14.00.
Vónandi verður undirtøkan góð, bæði viðvíkjandi luttøku og áskoðarum. Fyriskiparirnir ynskja øllum ein góðan dag.

Reglar fyri Dixie Cup 2014
Niðanfyri eru leiðreglur fyri kappingarnar

Spring
Lopið verður um 3 lágar forðingar (max 1m)
Tíð verður tikin frá start til mál
1 feilur verður givin um stong dettur niður
3 feilir verða givnir um forðing verður loypin um.


19. februar 2014

Fundur hjá rossahúsanevndini

Fundur verður hjá rossahúsanevndini fyri básaeigarunum í havnadali.


Fundurin verður beint áðrenn aðalfundin hjá Føroya Ríðingarfelag t.v.s.  mikudagin 5/3  kl.18.00.

allir básaeigarir eru vælkomnir.

rossahúsanevndin

16. februar 2014

Skrá 2014


9. februar 2014

Ríðiskeið við Jón Willami Bjarkasyni 21-23/3


Áhugavert Ríðiskeið 21-23 Marts 2014 - Avmarkað lutøka


Nevndu dagar hevur íslendingurin Jón William Bjarkason serstakt ríðiskeið her.
Skeiði er serstakt á tann hátt at fyrsta dagin roynir hann rossini einsamallur í 40-60 min pr dag fyri á tann hátt at kenna teirra sterku og veiku síðir. 2 og 3 dagin er einstaklingaundirvísning 45 min hvønn dag.
Jón William hevur tamningarútbúgving frá Hólar. Hevur drúgvar royndir og undirvísir nú í DK og Týsklandi.
Hann er beiggi Harald Bjarkason, sum hevur funnið mangt gott ross til føroyingar. Jón William var seinast í Føroyum í 2012 og vóru skeiðini tá sera vælumtókt.
Kostnaður fyri skeiðið bert 1500 kr

Tilmelding hjá Súsanna Trónd á FB ella tlf. 523212

14. januar 2014

Skeið

Vegna skeið, er høllin stongd frá kl 09.00 til kl 20.00 í tíðarskeiðnum 14/1 - 16/1