Veðrið frá YR

15. marts 2019

Ríðihøllin opin aftur

So er ríðihøllin opin aftur.
Vit takka Føroyskt Íslandsrossafelag fyri vælvild, meðan ríðihøllin hevur verið stongd.

Nevndin

11. marts 2019

Ríðiskeið við Svanhildur Hall

Svanhildur Hall, kemur heim til Føroyar í døgunum 29-31 marts, at halda skeið.
Tilmelding fer fram hjá Gunrid Hansen, á tlf. 218132 ella umvegis teldupost: gunridh@gmail.com.

Sí lýsing niðanfyri.

8. marts 2019

Viðtøkurnar fyri Føroya Ríðingarfelag

So eru viðtøkurnar, fyri Føroya Ríðingarfelag tøkar á heimasíðuni.

Jóhan Simonsen, hevur gjøgnumgingið allar gerðabøkur felagsins, frá 1943

4. marts 2019

Ein áminning

Ein áminning til limirnar, um at fara væl um á økinum hjá Føroya Ríðingarfelag og vísa virðing fyri øðrum á økinum🤠

1. marts 2019

Høllin

Góðu limir og brúkarir av ríðihøllini. Í kvøld kl.19.00 ætla vit í høllina, fyri at royna at turka/hjálpa tað síðsta, soleiðis at høllin kann brúkast aftur skjótast gjørligt.
Vónandi eru tað nógv, sum møta upp. Felagið bjóðar okkurt drekkandi afturvið.
Tit, sum hava mæguleika, kunna taka rívu, spaka ella trillubøru við.

Nevndin

27. februar 2019

Saknur verður í tær Poul



Tá deyðsboðini um Poul Hansen bórust mikudagin á middegi, var hetta tað fyrsta ið rann mær til hugs – Saknur verður í tær Poul.

Eg gjørdist tó merkiliga lítíð kløkkur av deyðsboðunum, kanska tí Poul seinastu árini viðhvørt hevur verið á eggini, men hann hevði tó fótað sær, áðrenn hann nú at enda koppaði skeiva vegin og seinastu ferð sakk inn í myrkurið.

26. februar 2019

Lús

Í fjósaeind 9, hava teir vidgjørt fyri lús ídag. So tit, ið eru grannar burdu kanna ross tykkara fyri lús teir næstu dagarnar.

13. februar 2019

Aðalfundur verður 25/02-2019 kl.19.00

Regluligi aðalfundurin hjá Føroya Ríðingarfelag, verður í felagshúsinum tann 25/02-2019 kl.19.00.

Uppskot til aðalfundin, skulu verða felagnum í hendi, í seinasta lagi 8 dagar, undan fundinum.

Vónandi møta nógv upp til fundin.

Nevndin


24. januar 2019

Ríðihøllin stongd vegna arbeiði

Í vikuskiftinum verða nýggjar lampur uppsettar í ríðihøllini. Av tí sama verður høllin stongd frá fríggjakvøldinum 25. januar kl.18.00 og allan leygardagin 26. januar.

Nevndin

23. januar 2019

Skeið við Súsonnu Sand í februar

So kemur Súsanna Sand heimaftur at hava skeið. Skeiðið verður í døgunum 08-10 februar.
Fyri at luttaka á skeiðnum, skal man verða limur í Føroya Ríðingarfelag.
Tilmelding hjá Ninu Brockie á tlf. 223333 ella umvegis facebook.

18. januar 2019

Ungdómsmenning í ríðihøllini leygardagin 19. januar

Av tí at ungdómsmenning fyri børn og ung, verður leygardagin 19. januar, er ríðihøllin stongd millum kl.12.30.-16.00.

Nevndin

17. januar 2019

Ungdómsmenning leygardagin 19 januar kl.13.00

So er ungdómsmenning fyri børn og ung aftur á skránni.
Leygardagin 19-01-2019 kl.13.00, verður framhald av fet-undirvísing.
Undirvísingin verður í høllini hjá Føroya Ríðingarfelag.
Hesaferð verður tað praktisk undirvísing, so tey sum eru við, skulu hava ross, sum tey klára at stýra.
Tilmelding hjá Ninu Brockie á tlf.223333 ella umvegis facebook áðrenn fríggjakvøldið kl.20.00.

2. januar 2019

SKRÁ 2019

So hevur nevndin lagt skránna fyri 2019.
Hon sæst niðanfyri her.

Vónandi seta tit øll, eitt stórt X í kalendarin hjá tykkum tann 01-02 juni. Tá verða árligu djóradagarnir hjá felagnum og tá hava vit brúk fyri allari hjálp vit kunnu fáa og øll eru hjartaliga vælkomin út á økið.