28. juli 2022

40 ross kappast á ólavsøku


 Tað er aftur í ár stór luttøka til ólavsøkukappríðingina, 40 ross vera við til kappingina í Marknagili ólavsøkudag kl 15.

Siðbundna ólavsøkukappríðingin, ið fylti 100 ár í fjør hevur altíð havt stóra undirtøka millum manna. Nógv fólk hava sum fastan sið at byrja seinna ólavsøkudagin uppi á breytini við oyggjarvegin. 

Tey 40 rossini eru býtt út á hesar bólkar. Í Tølt eru 7 ross við og í Skeið 5 ross, hesi kappast einsæris á 100 metra teini. Síðani verður farið út á 250 mtr. Har kappast ross í riðlum. 1 ross er við í kappingini Trav opin flokkur, hetta er bólkur fyri ross ið ikki lúka treytirnar fyri at luttaka í FM kappingum, tær eru fyri føroysk, norsk, íslandsross og blandingar harímillum. Síðani eru 7 ross við í Trav, 9 við í Tvíspor ung og 8 við í Tvíspor ll flokkur vaksin. At enda verður farið út á 500 mtr., har fara 3 ross at kappast um hvør skal vinna Tvíspor l flokkur vaksin.  

Fegnast kann serliga um at undirtøkan í Tvíspor ung er vaksandi, hetta burdi borið boð um bjarta framtíð fyri ríðingina. 

Paringin til kappingina sæst á leinkju her: Paring ólavsøka 2022

Ingen kommentarer: