12. januar 2018

Álítismaður fyllir runt - Til lukku við degnum Símun



Fyri okkum ið eru nakað yngri virkar tað sum maðurin altíð hevur verið í umhvørvinum, men hóast hetta tykist hann ungur og er altíð lættur í sinnið.

Maðurin talan er um, er Símun A. Justinussen, havnarmaður, føddur 12 Januar í 1948 og rundar sostatt tey sjeyti árini í dag. Hann er í móðurætt av Askham slagnum og hevur hann eins og nógv av tí slagnum tikist við handverk. Seinasti árini sum húsavørður hjá Tórshavnar Kommunu. Símun er giftur við Irmu, f. Ludvíg og eiga tey tvey børn.

Men aftur til umhvørvið vit kenna hann best frá. Símun er reiðmaður við stóra R og hevur havt við ross at gera frá heilt ungum árum - Sambært hagtølinum hjá Føroya Ríðingarfelag luttók hann fystu ferð í kappríðing á ólavsøku í 1965. Hesturin æt Pegasus og tíðin var 39,7. Kappast var tá á Velbastaðvegnum. Hagtølini vísa eisini at í 1968 vann Símun heystkappríðingina á hestinum Brifort, tíðin var 34,5.

Hetta sigur okkum eisini so nógv, at Símun hevur verið við í stóru broytingartíðini í ríðing, frá tíðini har ross stóðu í lítlum fjósum runt um í havnini. Til stóru nýmótans fjósini, breytir og hallir á økinum í Havnardali.
Rossini eru eisini nógv broytt hesa tíðina, tá vóru mestu rossini norsk ella blandingar av hesum, men nú eru flestu rossini av slagnum Símuni dámar best, íslandsross.

Símun hevur øll árini verið limir í Føroya Ríðingarfelag, men tá nýtt felag var stovnað seinast í 80'inum, sum burturav var fyri tey við íslandsrossum, Føroyskt Íslandsrossfelag, var Símun eisini við har - Hann hevur líka síðani verið millum stóru stuðlanar í báðum feløgunum og hetta man vera eindømið.

Orðatakið sigur at tað ber ikki til at ríða á tveimum rossum samstundis. Men Sìmun hevur øll hesi árini evna at skift millum rossini tá á stóð og hevur hann verið ein sannir fongur fyri bæði feløg.

Hetta eru vit í Føroya Ríðingarfelag sera takksom fyri.
Takk fyri alt Símun A. Justinussen, tú er ein sannir álitismaður

Vegna Føroya Ríðingarfelag

Brandur í Dali


Ingen kommentarer: